Алматы өзендерінде су деңгейі көтерілуі мүмкін

112 қызметі оңтүстік астана тұрғындарына өзендерде су деңгейі көтерілетінін ескертті. Бұл туралы азаматтарға SMS хабарлама келді, деп хабарлайды KAZ.NUR.KZ.

Құтқарушылардың мәліметінше, 15-16 шілдеде Алматы өзендерінде су деңгейі көтерілуі мүмкін.

Сонымен қатар алматылықтарға қалада найзағай ойнауы мүмкін екені ескертілді.

Айта кетейік, 15 шілдеде Алматыда дауылдық ескерту жарияланған болатын. Қазгидрометтің хабарлауынша, қалада найзағай ойнап, жел күшейеді.

Ал солтүстік, оңтүстік, Алматы облысының таулы аймақтарында кейде найзағай ойнап, бұршақ жаууы мүмкін. Солтүстікте, оңтүстікте, таулы аймақтарда жел 15-20 м/с, кей жерлерде 25 м/с дейін күшейеді. Сонымен бірге күндіз облыстың басым бөлігінде 35 градусқа дейінгі қатты ыстық сақталады.

Еске салсақ, бұған дейін Алматыда апта бойы жаңбыр жауатыны туралы жазған едік.