"Түркияда жасырынбақ болған": Шымкентте жалған төлқұжатпен іздеуде жүрген адам ұсталды

Шымкентте жалған төлқұжатпен іздеуде жүрген адам ұсталды. Бұл туралы KAZ.NUR.KZ IMM-нің Polisia.kz ақпараттық медиа-порталына сілтеме жасап хабарлайды.

Басылымның хабарлауынша, ІІМ экстремизмге қарсы іс-қимыл департаментінің жедел қызметкерлеріне еліміздің аумағында жасырынған көрші елдің азаматы туралы ақпарат келіп түскен. Ол өз елінде аса ірі мөлшерде алаяқтық жасағаны үшін іздеуде жүрген.

"Деректерді тексеру барысында іздеуде жүрген қылмыскер Шымкент қаласында ұсталды. Оның Қазақстан аумағына заңсыз кіргені анықталды.

Сондай-ақ одан Орталық Азия елдерінің бірінің жалған құжаты тәркіленді. Бұл құжат бойынша ер адам шекарадан әрі өтіп, Түркияда жасырынбақ болған", - деп жазады ІІМ өкілдері.

Қазіргі уақытта ұсталған адам қамауға алынды. Белгіленген тәртіппен оны экстрадициялау мәселесі шешіліп жатыр