Демалыс күндері еліміздің басым бөлігінде жаңбыр жауып, күн салқындайды деп болжанды

Синоптиктер алдағы үш күнде Қазақстанда найзағай ойнап, бұршақ жауып, жел күшейеді деп болжап отыр. Бұл туралы KAZ.NUR.KZ "Қазгидромет" РМК-ға сілтеме жасап хабарлайды.

Метеоролгтардың мәліметінше, алдағы күндері Қазақстанда оңтүстік циклонның әсерінен өткінші жаңбыр жауады.

"27 шілдеде Қостанай, Солтүстік Қазақстан, Павлодар облыстарында, 28 шілдеде Абай облысында, 29 шілдеде Шығыс Қазақстан облыстарында нөсер жаңбыр, бұршақ жауады. Қазақстан аумағында жел күшейеді.

Республиканың солтүстік-батысында, солтүстігінде және орталығында ауа температурасы түнде +8...+13°C, күндіз +15...+25°С-қа дейін төмендейді. Шығыста күндіз ауа температурасы +23...+32 °C дейін біртіндеп төмендейді деп болжанды. Қалған аумақта күрт өзгеріс күтілмейді", — деп хабарлады "Қазгидромет" мамандары.

Бірнеше күн бұрын Қазақстанның оңтүстігінде 45 градусқа дейін қалыпты ыстық болады деп болжанған болатын. Бұған қоса Қазақстан аумағының басым бөлігінде найзағай ойнап, жаңбыр жауып, жел күшейетіні ескертілген еді.