Астана әуежайында SCAT әуе компаниясы ұшағының фюзеляжына зақым келді

Астана әуежайында техника SCAT әуе компаниясына тиесілі ұшақтардың бірінің фюзеляжын зақымдады. Осыған байланысты кейбір рейстердің кестесін өзгертуге тура келді деп хабарлайды KAZ.NUR.KZ тілшісі.

"Әуежай техникасы ұшақтардың бірінің фюзеляжына зақым келтірді. Салдарынан бір ұшақ істен шығып, компания кейбір рейстердің кестесін өзгертуге мәжбүр", - деп хабарлады SCAT өкілі.

Бұл оқиғаға қатысты Астана әуежайының баспасөз қызметі де NUR.KZ тілшісіне пікір білдірді.

"Елорда әуежайында SCAT әуе компаниясына тиесілі Boeing ұшағының фюзеляжының зақымдануы туралы хабарламаға байланысты, жан-жақты тергеу жүріп жатқанын хабарлаймыз.

Әуежай мамандары оқиғаның мән-жайын түсіну үшін авиакомпания өкілдерімен тығыз жұмыс істеуде", - делінген хабарламада.

Үлкен ресейлік энциклопедиясының сайтындағы ақпаратқа сәйкес, фюзеляж - экипажды, жолаушыларды, жүктер мен жабдықтарды орналастыруға арналған, сонымен бірге қанат, құйрықты, шассиді, электр станциясын бекітуге қызмет ететін ұшақтың негізгі бірлігі.