Саясат Нұрбек жоғары балл ала тұра грантқа ілінбей қалған талапкерлер туралы пікір білдірді

Опубликовано:6 тамыз 2024, 12:14

Ғылым және жоғары білім министрі Саясат Нұрбек үкімет отырысынан кейін өткен баспасөз мәслихатында жоғары балл алып, грантсыз қалғандар туралы пікір білдірді. Бұл туралы KAZ.NUR.KZ тілшісі хабарлайды.

КЛЮЧЕВЫЕ МОМЕНТЫ

Ғылым және жоғары білім министрі Саясат Нұрбек жоғары балл алып, грантсыз қалған талапкерлер туралы пікір білдірді.
Министрдің айтуынша, мемлекеттік гранттар инженерлік-техникалық, педагогикалық, IT және су шаруашылығы сияқты мемлекетке қажетті мамандықтарға бөлінген.
90 баллдан жоғары алған 10607 түлектің грантқа ілінбеуі олардың грант санына мән бермей, мамандық таңдағанына байланысты екені атап өтілді.

Министр қандай мамандықтарға грант көп бөлінгенін, қай мамандықтарға мемлекеттік тапсырыс аз болғанын мәлім етті.

"Қазір әлеуметтік желіде екі сұрақ көтеріліп жатыр. Су тасқынынан зардап шеккен аймақтардың балалары жоғары ұпай алғандардың грантын алып алды деген ақпарат тарап жатыр. Мемлекеттік тапсырыс мемлекетке қажет мамандықтарға бөлініп жатыр. Инженерлік-техникалық, педагогикалық, IT мамандықтар, сондай-ақ биылғы су тасқыны, орман өртінен кейін су шаруашылығы, орман өрті мамандықтарына бөлінді.

Біз жоғары балл алып, грант иегері атанбай қалғандарға анализ жасап көрдік. 10607 түлек 90 баллдан жоғары балл алған, бірақ грантқа ілінбей қалған. Олар мамандық таңдайтын кезде грант санына мән бермеген. 3000-нан астам адам дене шынықтыру пәні мұғалімі мамандығын таңдап, грантсыз қалған. Ал бұл мамандыққа біз 600 грант қана бөлдік. 5600 адам грантқа өтініш берген. 600 грантты ең жоғары жинағандар алып кеткен", - деді министр.

Айта кетейік, бүгінгі үкімет отырысында Ғани Бейсембаев биыл мектептерде алғашқы қоңырау қай күні соғылатынын да айтты.

Бұған қоса министр колледж студенттерінің стипендиясы 50 пайызға көтерілетінін мәлім етті.

Мәтіннен қате тапсаңыз, бізге жазыңыз