16 жастағы қызды жезөкшелікпен айналысуға мәжбүрлеген: министрлік ақпаратқа жауап берді

Әлеуметтік желіде 16 жастағы қызылордалық қызды жезөкшелікпен айналысуға мәжбүрлеген деген ақпарат пайда болды. Оқу-ағарту министрлігінің Балалар құқығын қорғау комитеті бұл жазбаға қатысты пікір білдірді, деп хабарлайды KAZ.NUR.KZ.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Қызылордада 16 жастағы қыздың жезөкшелікке мәжбүрленгені туралы әлеуметтік желіде ақпарат тарады.
• NeMolchi қорының мәліметінше, қызды ақпан айынан бері сыныптастары мен олардың туыстары жезөкшелікке сатқан және оған есірткі беріп, зорлаған.
• Білім министрлігінің Балалар құқығын қорғау комитеті жауап беріп, облыстық уәкіл қызға барғанын және оған психологиялық және медициналық көмек көрсетіліп жатқанын хабарлады.

"НеМолчи" қорының Instagram-дағы парақшасында 16 жастағы қызылордалық бойжеткен туралы ақпарат пайда болды.

"16 жастағы оқушы қызды ақпан айынан бері сыныптастары мен олардың туыстары жезөкшелікке сатып жүрген", - делінген жазбада.

Айтуынша, қыз отбасында жалғыз және осы жылдың ақпан айында үйінен жоғала бастаған. Қордың мәліметінше, ата-анасын қорқытқан.

"Оған үнемі есірткі салып, зорлаған", - делінген қор мәлімдемесінде.

Жазбаға ҚР Білім министрлігінің Балалардың құқықтарын қорғау комитеті жауап берді.

"Бүгін облыстық бала құқықтары жөніндегі уәкіл зардап шеккен қызға және оның отбасына барды. Қазіргі уақытта облыстық психологиялық қолдау орталығының мамандары оған қажетті психологиялық көмек көрсетуде, қажетті медициналық көмек те көрсетілуде. Құқық қорғау органдары тергеу іс-шараларын жүргізеді. Оқиғаның барлық мән-жайы анықталуда", - делінген жауапта.