Қазақстанда электросамокаттарды жалға беруге тыйым салу туралы петиция пайда болды

Қазақстанда электрлсамокаттарды жалға беруге тыйым салу туралы петиция пайда болды. Еpetition.kz сайтында автор олардың Алматыдағы жаяу жүргіншілерге кедергі келтіретінін жазған, деп хабарлайды KAZ.NUR.KZ.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Қазақстанда электросамокаттарды жалға беруге тыйым салу туралы петиция пайда болды, онда Алматыдағы жаяу жүргіншілерге кедергі келтіретіні айтылған.
• Петиция авторының айтуынша, электросамокаттар жаяу жүргіншілер жолында қауіпсіздік мәселелерін тудырып, заңнамалық шектеулер сақталмайды.
• Петиция авторы Париж мысалын келтіріп, Алматыда да осындай жағдай қалыптасып жатқанын айтады және петицияның қарастырылуы үшін 50 мың қолдау қажет екенін көрсетеді.

Петицияда теория жүзінде кикшеринг идеясы (электр скутерлерін жалға алу – ред.ескертпесі) қаладағы жағдайға оң әсер етуі керек болғанын, бірақ іс жүзінде оны қиындатқаны айтылған.

"(...) Қала көшелерінде жалға берілетін самокаттардың пайда болуы шындығында жаяу жүргіншілердің қозғалысына қолайсыздық тудырды. Алматыдағы жаяу жүргіншілер жолында жай жүру де мүмкін емес", - деді петиция авторы.

Сондай-ақ петицияда жаяу жүргіншілер жолында жүрген бір самокатқа 2-3 адам мінетіні, қолы рөлге әрең жететін балалар да, ересектер мен кішкентайлар да 80 пайыз жағдайда қатты жылдамдықпен айдайтыны жазылған.

Автордың сөзінше, Алматыдағы жаяу жүргіншілер бірнеше секунд сайын электрсамокатшыларды өткізу үшін артқа қарауға мәжбүр. Ал заңнаманың қатаңдағанына ешкім мән беріп жатқан жоқ.

"Жақында БАҚ-та 7,5 мыңнан астам алматылық скутер әкімшілік жауапкершілікке тартылғаны, самокаттардың қатысуымен 38 ЖКО тіркелгені және 42 адам жарақат алғаны туралы мақала шықты. Бірақ бәріміз сандардың азайтылғанын білеміз, оған көнуге мәжбүрміз.

2023 жылғы қыркүйектен бастап Парижде электрсамокаттарды жалға алуға тыйым салынды. Себебі Франция астанасының тұрғындары электрсамокаттар жаяу жүргіншілерге кедергі келтіретінін және төтенше жағдайлар туғызатынын айтып шағымданған.

Қазір Алматыда да осындай жағдай қалыптасуда, кикшерингтік компаниялар мен полиция жеткілікті бақылауды қамтамасыз ете алмайды, сервисті пайдаланушылар заңнаманы да, жалпыадамзаттық қағидаттарды да сақтамайды", - дейді петиция авторы.

Айта кетейік, осы уақытқа дейін петиция 2875 қаралым мен 242 қол жинады. Петицияның белсенділік мәртебесі 2025 жылдың 1 ақпанына дейін. Автордың ұсынысы қарастырылуы үшін петицияны 50 мың адам қолдауы керек.