Оралда қайда жасалғаны белгісіз кондитерлік өнім сатылған

Қазақстан Республикасының "Халық денсаулығы және денсаулық сақтау жүйесі туралы" кодексіне сәйкес, таңбалауы нормативтік құқықтық актілердің талаптарына сәйкес келмейтін өнім қауіпті деп саналады.

Тұтынушы қауіпсіз және сапалы тауарды сатып алуға, сондай-ақ тауарлар, сатушылар, өндірушілер туралы шынайы ақпарат алуға және басқа да құқықтарды жүзеге асыруға құқылы. Әлеуметтік жоба аясында, "Маңғыстау облыстық тұтынушылардың құқықтарын қорғау қоғамы" қоғамдық бірлестігінің өкілі 2024 жылдың 2 шілдесінде Орал қаласындағы дүкендердің бірінде құпия сатып алушы әдісімен салмағы 80 грамм болатын HARiBO Sguishy кондитерлік өнімін сатып алды.

Сатып алынған өнім ҚР Денсаулық сақтау министрлігі Санитарлық-эпидемиологиялық бақылау комитеті Батыс Қазақстан облысы бойынша "Ұлттық сараптама орталығы" ШЖҚ РМК филиалының аккредиттелген сынақ зертханасына Кеден одағының "Тағамдық өнімдерді таңбалауға қатысты" 022/2011 техникалық регламентіне сәйкестігін байқауға кешенді зерттеуге тапсырылды.

2024 жылдың 10 шілдесіндегі Ұлттық сараптама орталығының сынақ хаттамасына сәйкес №1240001022927809/277, белгісіз шығу тегі бар өнімнен техникалық регламент талаптарына сәйкес келмейтін бірқатар сәйкессіздіктер анықталды. Атап айтқанда, қазақ және орыс тілдерінде көрсетілмеген: тағамдық өнімнің атауы, оның құрамы, мөлшері, өндірілген күні, жарамдылық мерзімі, сақтау шарттары, ұйымның атауы және орналасқан жері, пайдалану бойынша ұсынымдар мен шектеулер, тағамдық құндылық көрсеткіштері, ГМО қолдануымен алынған құрамдас бөліктердің бар-жоғы туралы мәліметтер, Кеден одағына мүше мемлекеттердің нарығындағы өнімнің бірыңғай айналым белгісі, Кеден одағы техникалық регламентінде қарастырылған жағдайларда тағам өнімінің қаптамасын таңбалау Кеден одағына мүше мемлекеттер заңнамасының талаптарына сай қазақ және орыс тілдерінде болуы керек, бірақ қазақ және орыс тілдерінде ақпараттар берілмеген.

Осылайша, бұл өнімнің техникалық регламентке сәйкес келмейтін белгілері бар деп санаймыз.

Өнімнің таңбалануының техникалық регламент талаптарына сәйкес келмеуі тұтынушыларды өнімге қатысты дұрыс ақпараттандыруға айтарлықтай кедергі болып табылады.

Қазақстан Республикасының "Тұтынушылардың құқықтарын қорғау туралы" заңының (25-бабы) негізінде сатушы (өндіруші, орындаушы) тауар туралы ақпарат беру міндетін мойнына алады.

Бұл міндет тауардың атауынан бастап, егер тауар техникалық регламенттермен, стандарттау құжаттарымен және басқа да құжаттармен белгіленген талаптарға сәйкестікті растау рәсіміне жатқызылса, сәйкестік белгісіне дейінгі кең ауқымды ақпаратты қамтиды. Оған тауардың негізгі тұтынушылық қасиеттері, тағамдық, биологиялық, энергетикалық құндылығы, кейбір ауруларға қолдануға қарсы көрсетілімдері, өндірушінің атауы, оның орналасқан жері және т.б. кіреді, сондай-ақ тұтынушыға сәйкестік сертификатын немесе сәйкестік декларациясын, оның ішінде міндетті сәйкестікті растауға жататын импорттық тауарды ұсынуды қамтиды.

Сондықтан "Маңғыстау облысының тұтынушылардың құқықтарын қорғау жөніндегі қоғамдық бірлестігі" кеңінен таралған тұтыну тауарларына жүргізілген зерттеу нәтижелерін бұқаралық ақпарат құралдары арқылы тарата отырып, тұтынушылардың құқықтарын қорғау мәселелері бойынша ақпараттық-ағартушылық жұмыс жүргізеді, бұл тұтынушылардың құқықтары мен заңды мүдделерін жүзеге асыруға ықпал етеді.

"Маңғыстау облысының тұтынушылардың құқықтарын қорғау жөніндегі қоғамдық бірлестігі" Қазақстанның әр облысында 15-тен 40-қа дейінгі азық-түліктік және азық-түліктік емес өнім түрлерін зерттеуге жіберді.

Қолданыстағы Қазақстан заңнамасында көзделген тиісті шараларды қабылдау үшін зерттеулер мен олардың нәтижелері тиісті органдарға жіберілді.

Бұл материал әлеуметтік жобаны орындаушы – "Маңғыстау облысының тұтынушылардың құқықтарын қорғау қоғамы" қоғамдық бірлестігі тарапынан дайындалды.

"Маңғыстау облысының тұтынушылардың құқықтарын қорғау қоғамы" қоғамдық бірлестігі тарататын тауарлардың (жұмыстардың, көрсетілетін қызметтердің) сапасын зерттеу нәтижелері туралы ақпараттар жарнама болып табылмайды және тұтынушылардың құқықтары мен заңды мүдделерін жүзеге асыруға ықпал етеді.

Қазақстан азаматтары тарапынан осыған ұқсас жағдайлар бойынша сұрақтар туындаған жағдайда хабарласу үшін байланыс нөмірі 87054222739 немесе Instagram парақшасы OZPP.KZ