Астанада су тапшылығы қайталана ма: елорда әкімі жауап берді

Астана әкімі Жеңіс Қасымбек мұғалімдердің тамыз форумы аясында қаладағы су тапшылығы қаупі туралы мәселеге қатысты пікір білдірді. Бұл туралы KAZ.NUR.KZ тілшісі хабарлайды.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Астана әкімі Жеңіс Қасымбек қалада ауыз су тапшылығы жоқ екенін айтты, қазіргі уақытта тәулігіне 95 мың текше метр артық су бар.
• Қасымбектің айтуынша, жаңа су құбырларының құрылысы басталып жатыр, бұл судың қолжетімділігін арттырады.
• Әкім жылумен қамту мәселесі де шешілгенін, қазір 800 гигакалориядан астам жылу профициті бар екенін атап өтті.

Жеңіс Қасымбек өткен жылы қалада ауыз су мәселесі болғанын мойындады. Оның айтуынша, қазір республикалық бюджеттен қаржыландыру және 3-4 жыл бұрын басталған жобалардың аяқталуының арқасында мұндай мәселе жоқ.

"Қазіргі уақытта мұндай мәселе жоқ. Бүгінгі таңда бізде тәулігіне 95 мың текше метр ауыз су артық болып тұр. Бұл тіпті қала мен халық санының қазіргі өсу қарқынын ескерсек, алдағы 4-5 жылдағы профицит", - деді.

Сондай-ақ ол жаңа су құбырларының құрылысы басталып жатқанын, бұл судың қолжетімділігін арттыратынын жеткізді. Оның айтуынша, жылумен қамту бойынша да осындай жұмыстар жүргізілуде.

"Екі жыл бұрын ең суық уақытта, яғни қыста, шамамен 500 гигакалория жылу тапшылығы болды. Көптеген паркингтер жылытылмады немесе төмен температурада жылытылған. Қазір мұндай проблемалар жоқ, 800 гигакалориядан астам жылу профицит. Бұл құрылыстың қазіргі қарқынында айтарлықтай үлкен жылу профициті болып есептеледі. Ол алдағы 2-3 жылға жетеді.

Біз инфрақұрылым салуды жалғастырамыз. Биыл "Тұран" жобасы аяқталған соң 250-350 гигакалория береміз. Жарық пен газға да солай", – деп түйіндеді Жеңіс Қасымбек.