Астана мен Шымкентте үйлерден табылған жыландар жұртты дүрліктірді
Жарияланған күні:
Қазақстанның екі ірі мегаполисінің тұрғындары құтқарушылардың көмегіне жүгінуге мәжбүр болды. Олар тұратын тұрғын үйден жылан табылған, деп жазады ТЖМ баспасөз қызметіне сілтеме жасаған KAZ.NUR.KZ.
Белгілі болғандай, бірінші оқиға Астана қаласында Сарыақа ауданында болды. Тұрғын үй кешендерінің бірінде тұрғындар күтпеген жағдайға тап болған. Олардың ауласынан жылан табылған. Екінші жағдай Шымкенттегі Еңбекшіқазақ ауданында болған.
"Оқиға орнына жедел жеткен құтқарушылар тұрғындарға төнген қауіпті жою үшін жыландарды бөтелкеге салып, қауіпсіз жерге жеткізді.
Жыланға тап болған кезде қауіпсіз қашықтыққа шегініп, құтқарушыларды шақыру қажет", - деп хабарлады ТЖМ өкілдері.
Мақаланың түпнұсқасы: https://kaz.nur.kz/society/2151256-astana-men-shymkentte-uilerden-tabylgan-zhylandar-zhurtty-durliktirdi/
