"Жағдай тең болмады": Ғылым министрлігі өкілдері төмен балл жинаған талапкерлерге берілген гранттар туралы айтты

Ғылым және жоғары білім министрлігі өкілдері білім беру ұйымдарында оқуға қабылдау квоталары туралы бұйрықта неліктен "төтенше жағдай болған өңірлер үшін квоталар" жоқ екенін түсіндірді. Бұл туралы KAZ.NUR.KZ хабарлайды.

Ғылым және жоғары білім министрлігі өкілдері су тасқынының салдары мектеп түлектеріне де әсер еткенін еске салды.

"Тұрғын үйден айырылу, электр жарығын, су болмау, тұрмыстық жағдайдың және білім алуға жағдай болмауы осы өңірлердің түлектері басқа қалалардағы құрдастарымен тең дәрежеде бітіру емтихандарына және ҰБТ-ға дайындалу мүмкіндігінен айырылды.

Тиісінше, аталған себептерге байланысты олар басқа түлектермен салыстырғанда жағдай тең болмады.

Осыған байланысты министрлік өз құзыреті шегінде және Қазақстан Республикасының қолданыстағы заңнамасына қайшы келмейтін, оның ішінде ҰБТ өткізу мерзімі, ең жоғарғы нәтижені пайдалану және мемлекеттік тапсырыстардың көлемін анықтау бойынша су тасқынынан зардап шеккен түлектер үшін шұғыл шаралар қабылдады", - делінген ведомство жауабында.