Жаздың соңғы күндерінде елімізде ауа райы қандай болады

Қазақстанның басым бөлігінде алдағы күндері ауа райы құбылмалы болады деп болжанды. Бірқатар өңірде жаңбыр жауып, найзағай ойнайды, деп хабарлайды "Қазгидромет" РМК-ға сілтеме жасаған KAZ.NUR.KZ.

Синоптиктердің болжамынша, Қазақстанның басым бөлігінде найзағай ойнап, жаңбыр жауады. республиканың солтүстігінде, оңтүстігінде және оңтүстік-шығысында 29 тамызда қатты жаңбыр күтіледі.

Еліміздің батысында жауын-шашынсыз ауа райы күтіледі. Қазақстан бойынша жел күшейіп, елдің солтүстігінде, оңтүстігінде және оңтүстік-шығысында дауыл мен бұршақ жауады. Түнгі және таңертеңгі уақытта солтүстік және шығыс аймақтарда тұман болады деп болжанды.

Сондай-ақ синоптиктердің мәліметінше, ауа температурасы біртіндеп жоғарылайды:

• күндіз батыс аймақтарда +27...+35 градусқа дейін;
• солтүстік-батыс аймақтарда +20...+30 градусқа дейін;
• солтүстікте +17...+25 градусқа дейін;
• орталықта +18...+28 градусқа дейін;

Ал елдің шығысында негізгі температураның фоны +18...+28 градус, оңтүстік және оңтүстік-шығыс облыстарда ауа температурасының +22...+30 градус жылыға дейін төмендейді.

Бұған дейін синоптиктер Астана, Алматы және Шымкентте жаздың соңғы аптасына ауа райы болжамын ұсынған болатын.