Қазақстанда туу туралы куәлік өзгертілуі мүмкін

Әділет министрлігі туу туралы куәліктің форматына өзгерістер енгізуді жоспарлап отыр. Құжатта реттік нөмір жазылады, деп хабарлайды ведомствоға сілтеме жасаған KAZ.NUR.KZ.

Тиісті бұйрықтың жобасы "Ашық НҚА" порталында жарияланды. Онда Әділет министрлігінің туу туралы куәліктерді қорғау талаптарын бекітетін бұйрыққа өзгерістер енгізелетіні жазылған.

"Туу туралы куәлік бланкісінде реттік нөмір болады" деген тармақ бұйрыққа енгізіледі делінген қаулы жобасында.

Құжат 12 қыркүйекке дейін қоғамдық талқылауда болады.

Еске сала кетейік, бұған дейін Жамбыл облысының тұрғыны туу фактісі белгіленген тәртіппен тіркелмегендіктен, 25 жыл құжатсыз өмір сүргенін жазған болатынбыз. Аудандық прокуратураның көмегімен ер адамға сот арқылы туу туралы куәлік пен жеке куәлік берілген еді.

Жыл басында Қостанай облысының тұрғыны 30 жыл бойы құжатсыз өмір сүргені, сол себепті әлеуметтік және медициналық көмек ала алмағаны хабарланған болатын. Полицейлер оған жеке куәлік алуға көмектесті.