Балқашта өртеніп жатқан пәтерден қарт адам құтқарылды

Балқашта өртеніп жатқан пәтерден қарт адам құтқарылды. Бұл туралы KAZ.NUR.KZ "Астана" телеарнасына сілтеме жасап хабарлайды.

Ақпарат "Астана" телеарнасының ресми сайтында жарияланды.

"Балқашта бес қабатты тұрғын үйдің бірінші қабатында өрт шықты. Онда 2 шаршы метр аумақта үй заттары жанған. ТЖМ күштері 1955 жылғы ер адамды құтқарды", - делінген хабарламада.

Айта кетейік, осыған дейін Жетісу облысында адамдар отырған көлік құмға батып қалғанын хабарлап едік. Ресми ақпарат ТЖМ Telegram-дағы ресми арнасында жарияланды. Оған сәйкес, Сарқан ауданының Лепсі ауылында адамдармен көлік құмға батып қалғаны туралы хабарлама кеше кешке түскен.

"Оқиға орнына жедел-құтқару жасағының құтқарушылары дереу жолға шықты. ТЖМ күштерімен автокөлік негізгі жолға эвакуацияланды. Жеңіл көліктегі үш адам, медициналық көмекке мұқтаж болмады", - делінген жазбада.