Шымкентте сапасыз қызмет көрсеткен екі емхана мемлекетке қайтарылды

Шымкентте сапасыз медициналық қызмет көрсеткен №13 және №2 емхана мемлекетке қайтарылды, деп хабарлайды KAZ.NUR.KZ Ontustiktv.kz-ке сілтеме жасап.

Телеарнаның хабарлауынша, 45 мыңнан аса адам тіркелген медициналық мекемелер 2021 жылы жеке кәсіпкерлерге сенімгерлік басқаруға берілген. Келісімшартқа сәйкес материалдық база жаңартылып, жөндеу жұмыстары жүргізілуі тиіс болған. Алайда міндеттемелер толық орындалмаған.

Сапалы медициналық қызмет көрсетілмегендіктен, емхана жұмысына науқастар да жиі шағымданған. Сондықтан осындай шешімдер қабылданып, емханалар мемлекетке қайтарылды.

Қазіргі таңда №13 қалалық емхана аккредиттеуден өтіп, қазір қажетті жаңа жабдықтар бюджет есебінен сатып алынған.