Алматы облысындағы аудандардың бірінің әкімі ұсталды

Желіде Алматы облысы Іле ауданының әкімі Бағдат Қарасаев қызмет бабын және өкілеттігін асыра пайдаланды деген күдікпен ұсталғаны туралы ақпарат тарады. Бұл ақпаратты Сыбайлас жемқорлыққа қарсы іс-қимыл агенттігі өкілдері растады, деп хабарлайды KAZ.NUR.KZ.

"Ақпаратты растаймыз", - деп қысқаша жауап берді NUR.KZ тілшісіне cыбайлас жемқорлыққа қарсы іс-қимыл агенттігінің баспасөз қызметі.

Іле ауданы әкімдігінің ресми сайтында жарияланған ақпаратқа сәйкес, Бағдат Қарасаев 1964 жылы 12 маусымда дүниеге келген. Алматы теміржол көлігі инженерлері институтын тәмамдады. Мамандығы – теміржол инженері.

Еңбек жолын кәсіптік техникалық училищесінде мұғалім болып бастап директорға дейін көтерілген

"Алаколь-Агро" ЖШС, "ТSС-Агро" ЖШС, "Компания "Тау-Самал Ltd." ЖШС және "Қайыңды" ЖШС директоры, Алакөл ауданының әкімінің орынбасары, Алакөл ауданының әкімі қызметтерін атқарған.

Сондай-ақ Алматы облысы әкімі аппаратының басшысы, Талдықорған қаласының әкімі, Алматы облысы әкімінің кеңесшісі болған.

2018 жылдың қыркүйек айынан Алматы облысы Іле ауданын басқарып келеді.