Астанада жылыту маусымы қашан басталады

Астанада жылыту маусымы қашан және қандай ауа райы жағдайында басталатыны белгілі болды. Бұл туралы KAZ.NUR.KZ елорда әкімдігінің баспасөз қызметіне сілтеме жасап хабарлайды.

"Астана қаласы мәслихатының шешімімен бекітілген Астанада жылыту маусымын дайындау және өткізу қағидаларына сәйкес, елордада жылыту маусымы сыртқы ауаның белгіленген орташа тәуліктік температурасы бес тәулік бойы +10 °С және одан төмен болған жағдайда басталады",-делінген Астана әкімдігінің баспасөз қызметінің хабарламасында.

Бүгін, синоптиктердің мәліметінше, Астанада өткінші жаңбыр жауады.

Күндіз ауа температурасы 12 градусқа дейін көтеріледі, түнде 7 градусқа дейін төмендейді.

Естеріңізге сала кетейік, өткен жылы елордада жылу қазанның басында қосыла бастады. Алдымен бірқатар әлеуметтік нысан жылуға қосылды, ал бірнеше күннен кейін қаланың қалған ғимараттарға жылу берілді.