Қарағандыда жылыту маусымы қашан басталатыны белгілі болды

Қарағандыдағы жылу жүйелері 1 қазаннан бастап іске қосылады деп жоспарланған. Қазір көпқабатты үйлердің 90 пайыздан астамында дайындық актілері бар. Бұл туралы KAZ.NUR.KZ тілшісі ekaraganda.kz сайтына сілтеме жасап хабарлайды.

Кооператив өкілдері, орталық меншік иелері және пәтер иелерінің қатысуымен өткен жиналыста жылыту маусымына дайындықты тексеру туралы талқыланды.

Билік дайындық актісін әлі алмаған тұрғындарды қажетті жұмыстарды қыркүйектің соңына дейін аяқтауға шақырды.

"Жылыту маусымының басталуы шамамен 1 қазанға жоспарланып отыр, нақты күні ауа райы жағдайларына байланысты өзгеруі мүмкін және алдын ала хабарланады. Үйлерді іске қосу басқару органдарының немесе жауапты тұлғалардың өтініштері бойынша жүзеге асырылады", - деп атап өтті әкімдікте.

Дайындық актісін толық алмаған үйлер ең соңынан қосылмақ.

Бұған дейін Павлодарда жылыту маусымының ерте басталғаны белгілі болды. 9 қыркүйектен бастап балабақшалар, мектептер, медициналық мекемелер сияқты әлеуметтік нысандарға жылу беріле бастады.

Ал Екібастұзда көпқабатты үйлерге жылуды кезең-кезеңімен беру 21 қыркүйектен басталады.