"Тұрғындар өзен тасығанда қиындыққа кезігетін": Түркістан облысында жаңа көпір пайдалануға берілді (фото)

Түркістан облысы Төле би ауданы Қаратөбе ауылдық округіндегі Балдыберек өзені арқылы өтетін көпір ел игілігіне пайдалануға берілді. Бұл туралы KAZ.NUR.KZ Түркістан облысы әкімдігінің баспасөз қызметіне сілтеме жасап хабарлайды.

Әкімдіктің мәліметінше, аудан орталығынан шалғай орналасқан Қаратөбе, Қостөбе ауылдық округтерінің тұрғындары көктем айларында Балдыберек өзенінің тасуы кезінде жол қатынасы тұрғысында көптеген қиындыққа кездесетін. Сондықтан да бұл мәселе бірнеше жылдан бері күн тәртібінен түспей келген.

"Халықтың сұранысымен көпірдің құрылыс жұмыстары басталып, 2019 жылы пайдалануға беру жоспарланған болатын. Мердігер мекеменің жауапсыздығы салдарынан көпір құрылысын аяқталмай, ол бес жыл көлемінде шешімін күткен мәселенің біріне айналды", - делінген хабарламада.

Кейіннен аудан әкімдігінің аудандық мәслихатпен бірлесе атқарған жұмысының нәтижесінде Қостөбе елді мекеніндегі Балдыберек өзені арқылы өтетін көпірді күрделі жөндеу жұмыстары жүргізілді. Құрылыс жұмыстарын мердігер "ABC Group KZ" ЖШС атқарған. Жоба құны 38 311,0 мың теңге болды.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз