Шымкенттегі ЖОО ректоры 28,5 млн теңге пара алды деген күдікке ілінді

М. Әуезов атындағы Оңтүстік Қазақстан университетінің ректоры 28,5 млн теңге пара алды деген күдікпен ұсталды. Бұл туралы Otyrar телеарнасы хабарлайды.

Тиісті ақпарат әлеуметтік желіде пайда болған. Онда білім беру мекемесінің екі лауазымды тұлғасы мен екі компания басшысы ұсталғаны да айтылған.

Экономикалық тергеу департаменті ректордың ұсталғанын растады. Қазір тергеу жүріп жатыр.

Департамент басшысының сөзінше, тергеудің құпиялылығына байланысты ақпаратты жариялауға болмайды.

Істің тек мемлекеттік сатып алулармен байланысты екені ғана белгілі.

Мәтіннен қате тапсаңыз, бізге жазыңыз