Ұлы дала рухында: батырлар референдумда дауыс берді (фото)

Алматының №173 мектеп-лицейінде орналасқан №585 дауыс беру учаскесінде қала тұрғындарын бойлары екі метрлік батырлар қарсы алды. Алып азаматтар да ел қатарлы референдумда дауыс беруге келген, деп хабарлайды Алматы қаласының өңірлік коммуникациялар қызметі.

"Біз референдум  болатын  маңызды күнге назар аударғымыз келді. Меніңше, әрбір қазақстандық өз мемлекетінің болашағы туралы ойлануы тиіс. Сондықтан бүгінде әркімнің өз пікірін білдіруі  өте маңызды. Мен өзім дауыс бердім, туған жерімнің болашағына ерекше мән беремін", - деді батырлардың бірі Самат Шамрат.

Сайлаушылар үшін учаскеде алыптарды кездестіру өте жағымды тосынсый болды. Сіз күн сайын  мұндай ержүрек  батырларды көре алмайсыз, олар кітап беттерінен шыққан кейіпкерлер сияқты, деп атап өтті қала тұрғындары.

"Бұл өте ерекше! Бірден көңіл - күй көтерілді. Референдум-бұл әрбір қазақстандықтың өміріндегі маңызды күн және ұйымдастырушылардың оны ұмытылмас етуге тырысқаны қуантады", - деп әсерімен бөлісті қала тұрғыны Зульфия Алтынбекова.

Бүгін Қазақстанда АЭС салу бойынша республикалық референдум басталды. Бүгін дауыс беруге арналған 10 323 учаске, оның ішінде әлемнің 59 еліндегі шетелдік мекемелер жанынан ашылған 74 учаске жұмыс істеуде. Дауыс беру тізіміне дауыс беруге құқығы бар 12 млн 244 мың 683 азамат енгізілді. Референдумды 30 шет мемлекеттен және 4 халықаралық ұйымнан 177 бақылаушы бақылайды.

Мемлекет басшысы Қасым-Жомарт Тоқаев АЭС бойынша референдум өткізу туралы Жарлыққа 2024 жылғы 2 қыркүйекте қол қойған болатын.