Алматыда ер адам жоғалып кетті
Жарияланған күні:
Алматыда Ермек Жақыпжанов есімді ер адам 9 қазанда таңғы уақыттан бері хабар-ошарсыз жоғалып кетті. Ол іздестіріліп жатыр, деп хабарлайды KAZ.NUR.KZ Алматы қалалық Полиция департаменті баспасөз қызметіне сілтеме жасап.
Ермек Жақыпжанов жоғалып кеткені туралы ақпарат Telegram-дағы PRO КАДРЫ KZ арнасында жарияланды.
"Жоғалғанға дейін ер адам әдеттегідей жұмысқа кеткен. Бұл 9 қазан сағат 07:30 шамасында болды. Жақыпжанов Hyundai Genesis көлігімен шыққан", - делінген жазбада.
Алматылық LIDER.KZ еріктілері ер адамды іздестіріп жатыр.
Бұл жайтқа қатысты Алматы қалалық Полиция департаменті баспасөз қызметі KAZ.NUR.KZ тілшісі пікір білдірді.
"Аталған дерек бойынша Алмалы аудандық полиция басқармасы іздестіру ісін бастады.
Жедел-іздестіру іс-шаралары кешені жүргізіліп жатыр", - деді ведомство өкілдері.
Мақаланың түпнұсқасы: https://kaz.nur.kz/society/2172636-almatyda-er-adam-zhogalyp-ketti/
