Петропавлда алғашқы қар жауды (фото, видео)
Опубликовано:
Қазақстанның солтүстігіндегі Петропавл қаласында күздің қақ ортасында алғашқы қар түсті. Бұл туралы KAZ.NUR.KZ хабарлайды.
Қазан айында қар астында қалған қаланың суреттерін тұрғындар әлеуметтік желідегі парақшаларда бөлісіп жатыр. Табиғаттың тосынсыйына қатысты "ҚазАвтоЖол" ұлттық компаниясы да пікір білдірген.
"Солтүстік Қазақстан облысы Жезқазған – Петропавл автожолын жолшылар қардан тазалап, қауіпсіз қозғалысты қамтамасыз етіп жатыр", - деді компния өкілдері.
Ал Qazaqstan телеарнасының Telegram-дағы арнасында өңірде қолайсыз ауа райына байланысты ескерту жарияланғаны хабарланды. Синоптиктердің болжауынша, бүгін облыстың шығыс, батыс және солтүстік өңірлерінде қар аралас жаңбыр жауады. Соңы боранға ұласып, көктайғақ болуы ықтимал.
Ертең жекелеген аудандарда желдің екпіні секундына 30 метрге дейін жетуі мүмкін. Сондай-ақ ауа температурасы 7 градусқа дейін төмендейді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2172963-petropavlda-algashqy-qar-zhaudy-foto-video/