Дәулет Тұрлыхановтың ұлы бас бостандығынан айырылды

Депутат Дәулет Тұрлыхановтың ұлы Нұрасыл Болат бас бостандығынан айырылды. Мұндай шешімді Алматы қаласы Медеу аудандық №2 сотының судьясы Қанат Әрінов шығарды, деп хабарлайды KAZ.NUR.KZ тілшісі.

Процесс онлайн режимінде өтті.

Судья Әрінов қаулыда сотталушының бас бостандығын шектеу түріндегі жазаны өтеу тәртібі мен шарттарын қасақана бұзғанын, атап айтқанда, сот тағайындаған пробациялық бақылау міндеттерін орындамағанын көрсетті.

Бұған дейін Жоғарғы сот Н. Болатқа екі немесе одан да көп адамның денсаулығына қасақана ауырлығы орташа зиян келтіргені үшін (ҚР ҚК-нің107-бабы 2-бөлігі 1-тармақшасы бойынша) 2 жылға бас бостандығын шектеу жазасын тағайындаған болатын.

Жоғарғы соттың Telegram-арнасында хабарлауынша, Болат пробация қызметінің есебіне алынып, жазаны өтеудің тәртібі мен шарттарымен және оны бұзғаны үшін жауапкершілікпен танысқан.

Сотталғанның орналасқан жерін бақылауды қамтамасыз ету үшін электронды бақылау құралы қолданылды. 

Осыған қарамастан, Болат пробациялық бақылаудың 3 рет заң бұзушылықтарына жол берген, ол сотпен зерттелген дәлелдемелермен расталған.

Осылайша, сотталушы жазасын өтеу тәртібімен шарттарын қасақана бұзған.

Қылмыстық кодекстің 44-бабының 3-бөлігіне сәйкес, бас бостандығын шектеуді өтеуден қасақана жалтарған жағдайда оның өтелмеген мерзімі бас бостандығын шектеудің бір күніне бас бостандығынан айырудың бір тәулік мөлшерінде бас бостандығынан айырумен ауыстырылады.

Сот пробация қызметінің өтінішхатын негіздідеп танып, оны қанағаттандырды.

Нұрасыл Болатқа бас бостандығын шектеу түріндегі жазасы өтелмеген мерзімге 1 жыл 5 ай 10 күнге бас бостандығынан айырумен ауыстырылды.

Мәтіннен қате тапсаңыз, бізге жазыңыз