Тоқаев пен Макрон Елисей сарайының бағында Жюль және Жанна атты тазы иттермен серуендеді

Елисей сарайының бағында Қасым-Жомарт Тоқаев пен Эмманюэль Макрон тазы иттермен серуендеп бейресми әңгіме өрбітті. Бұл туралы KAZ.NUR.KZ Telegram-дағы Борт №1 арнасына сілтеме жасап хабарлайды.

Мемлекеттер басшылары Елисей сарайы бағындағы серуенге Жюль және Жанна атты тазыларды ертіп шықты.

Бұл асыл тұқымды тазыларды былтыр Қасым-Жомарт Тоқаев Франция президентінің Қазақстанға жасаған сапары кезінде сыйға тартқан болатын.

Еске сала кетейік, 2024 жылы ақпан айында Қасым-Жомарт Тоқаев Эммануэль Макронға тазының күшіктерін сыйлаған еді.

Ақорда мәліметінше, Франция президенті 2023 жылғы қараша айында Астанаға сапары барысында Қазақстан басшысының шақыруымен "Этноауыл" көрмесін тамашалағанын, ол жерде тазыларды ерекше ұнатқанын атап өтті. Содан кейін Қасым-Жомарт Тоқаев француз әріптесіне тазы ит сыйлауға уәде берді.

Осылайша бес айлық екі күшік Парижге жеткізілді. Үй жануарларын ветеринарлар тексеріп, уақытша карантинге алды. Сонымен қатар француз тарапына тазы бағу, азықтандыру бойынша кеңес берілген. Күшіктерге Жюль және Жанна есімдері қойылған.