Тұман және көктайғақ: Қазақстанның басым бөлігінде ауа райына байланысты ескерту жарияланды

"Қазгидромет" РМК 9 қарашаға арналған ауа райы болжамын ұсынды. Синоптиктер қолайсыз ауа райына байланысты еліміздің бірқатар өңірінде ескерту жариялады, деп хабарлайды KAZ.NUR.KZ.

9 қарашада Алматы облысының оңтүстігінде, таулы аудандарында оңтүстік-батыстан жел соғады. Екпіні 15-20 м/с болады.

Батыс Қазақстан облысының батысында, оңтүстігінде, шығысында көктайғақ күтіледі. Түнде және таңертең облыстың батысында, солтүстігінде тұман күтіледі. Жел батыстан, оңтүстік-батыстан соғады, күндіз облыстың солтүстігінде, шығысында екпіні 15-20 м/с. 9 қарашада түнде және таңертең Оралда тұман күтіледі. Жел батыстан, оңтүстік-батыстан соғады. Күндіз екпіні – 18 м/с.

Петропавлда күндіз бұрқасын, көктайғақ күтіледі. Оңтүстік-батыстан жел соғады, күші 15-20, күндіз екпіні 23-28 м/с.

Павлодар облысының батысында, солтүстігінде, оңтүстігінде жаяу бұрқасын күтіледі. Оңтүстік-батыстан жел соғады, күндіз облыстың батысында, солтүстігінде, оңтүстігінде күші 15-20, екпіні 23-28 м/с. Павлодар қаласында күндіз оңтүстік-батыстан жел соғады. Екпіні 15-20 м/с күтіледі.

9 қарашада Ақтөбе облысының солтүстігінде, шығысында көктайғақ күтіледі. Түнде және таңертең облыстың солтүстігінде, оңтүстігінде тұман болады. Оңтүстік-батыстан жел соғады, күндіз облыстың солтүстігінде, шығысында екпіні 15-20 м/с. Ақтөбе қаласында көктайғақ күтіледі. Оңтүстік-батыстан жел соғады, күндіз екпіні 15 м/с болады.

Түнде және таңертең Маңғыстау облысының батысында, солтүстігінде, орталығында тұман күтіледі.

9 қарашада түнде және таңертең Атырау облысының батысында, оңтүстігінде, шығысында тұман, көктайғақ күтіледі.

Қарағанды облысының солтүстігінде, шығысында, оңтүстігінде көктайғақ, бұрқасын күтіледі. Оңтүстік-батыстан, батыстан жел соғады, облыстың солтүстігінде, шығысында, оңтүстігінде екпіні 15-20 м/с болады.

9 қарашада күндіз Ұлытау облысының оңтүстігінде көктайғақ, жаяу бұрқасын күтіледі. Оңтүстік-батыстан, батыстан жел соғады, күндіз облыстың солтүстігінде екпіні 15-20 м/с.

Түркістан облысының солтүстігінде, батысында, таулы аудандарында тұман, көктайғақ күтіледі. Оңтүстік-батыстан жел соғады, облыстың солтүстігінде, таулы аудандарында күші 15-20 м/с.

Шығыс Қазақстан облысының батысында, солтүстігінде, шығысында жаяу бұрқасын, көктайғақ күтіледі. Оңтүстік-шығыстан соғатын жел оңтүстік-батысқа ауысады. Күндіз облыстың батысында, солтүстігінде, шығысында 15-20 м/с.

Абай облысының батысында, оңтүстігінде, орталығында жаяу бұрқасын, көктайғақ күтіледі. Жел оңтүстік-батыстан соғады, облыстың батысында, солтүстігінде, орталығында 15-20 м/с.

9 қарашада күндіз Ақмола облысында қар, түнде облыстың батысында, солтүстігінде, оңтүстігінде бұрқасын, күндіз бұрқасын күтіледі. Түнде облыстың батысында, солтүстігінде, оңтүстігінде екпіні 15-20 м/с, күндіз 15-20 м/с, екпіні 23-28 м/с, облыстың солтүстігінде, шығысында екпіні 23-28 м/с, кей уақыттарда 30 м/с және одан аса болуы ықтимал.

Көкшетау қаласында күндіз бұрқасын күтіледі. Оңтүстік-батыстан жел соғады. Таңертең және күндіз 15-20, екпіні 23-28 м/с күтіледі.

Қостанай облысының солтүстігінде, шығысында қар, көктайғақ, бұрқасын, күндіз жауын-шашын (жаңбыр, қар), көктайғақ, бұрқасын, түнде және таңертең облыстың батысында, солтүстігінде тұман күтіледі. Түнде облыстың солтүстігінде, шығысында 15-20 м/с, күндіз 15-20 м/с, облыстың шығысында екпіні 23-28 м/с, кей уақыттарда 30 м/с және одан аса күтіледі.

9 қарашада Жетісу облысының шығысында, таулы аудандарында тұман, көктайғақ күтіледі. Оңтүстік-батыстан жел соғады, облыстың шығысында, таулы аудандарында екпіні 15-20 м/с.

Қызылорда облысының солтүстігінде, шығысында, орталығында тұман, түнде көктайғақ күтіледі.

Мәтіннен қате тапсаңыз, бізге жазыңыз