Қорғаныс министрлігі Ақтөбе облысында тікұшақ апаты кезінде қаза болғандар мен зардап шеккендердің есімдерін атады

Ми-8 тікұшағы апаты кезінде қаза тапқандар мен зардап шеккендердің есімдері белгілі болды. Оларды Қорғаныс министрлігі хабарлады, деп жазады KAZ.NUR.KZ ведомствоның баспасөз қызметіне сілтеме жасап.

"Ақтөбе облысында оқу-жаттығу ұшуы кезінде болған авиациялық оқиғаның салдарынан Әуе қорғанысы күштері Әскери институты авиациялық эскадрильясының нұсқаушысы, 1988 жылы туған майор Батыр Қайратұлы Оразымбетов қайғылы қаза тапты", - делінген хабарламада.

Ведомствоның мәліметінше, майор Оразымбетов 2009 жылы Әуе қорғанысы күштерінің Әскери институтын "Ұшақтар, тікұшақтар және авиациялық қозғалтқыштар" мамандығы бойынша бітірген.

Ол Әуе қорғанысы күштерінде әртүрлі лауазымдарда қызмет еткен және жалпы ұшу уақыты 500 сағаттан асатын Ми-8 тікұшағын басқаруда айтарлықтай тәжірибесі бар. Қызмет барысында жоғары кәсібилік пен іске адалдық танытып, ағымдағы жылдың көктемінде су тасқынына қарсы іс-шараларға қатысты.

Мерейтойлық медальдармен және ұзақ жылғы еңбегі үшін марапатталған.

Сонымен қатар, қатты қону кезінде әскери институттың авиациялық эскадрильясының командирі майор Бейбарыс Ибраев пен әскери институттың оқу-жаттығу авиациялық орталығының аға ұшқыш-нұсқаушысы, аға лейтенант Рүстем Нығметов зардап шекті. Қазіргі уақытта олар облыстық ауруханада жатыр. Олардың жағдайы тұрақты ауыр деп бағаланады және оларға барлық қажетті медициналық көмек көрсетіледі.