Астананы қалың қар басты: елордада 8 балдық кептеліс пайда болды (фото)

Толассыз жауған қардан елорданы қалың қар басты. Коммуналдық қызметтер күшейтілген режимде жұмыс істеп жатыр, қала көшелерінде кептеліс пайда болды, деп хабарлайды KAZ.NUR.KZ.

Астанада өткен аптадан бері боран соғып, қар жауды. Соңғы күндері қаланы қар басып қалды.

Gismeteo порталының хабарлауынша, бүгін елордада тағы да қар жауады. Қар кешкі сағат 17:00-ге дейін жауады деп болжанған.

Таңертең көшелерде кептеліс пайда болды. 2GIS порталының мәліметінше, сағат 10:00-ге қарай жолдардағы кептеліс сейілді. Қазір қосымшада 8 балдық кептеліс көрсетілген. Сол жағалаудағы Түркістан көшесі, Мәңгілік Ел даңғылы, Тұран, Сығанақ және Керей-Жәнібек хандар көшелерінде әлі де кептеліс байқалады.

Ауа райының қолайсыздығына қарамастан, бүгін елорда мектептерінде сабақ әдеттегідей офлайн форматта өтіп жатыр.