Екібастұздағы ГРЭС-те бір энергоблок желіден ажыратылды

Екібастұздағы ГРЭС-1-де бір энергоблок желіден ажыратылды. Бұл туралы KAZ.NUR.KZ тілшісіне мекеме өкілдері хабарлады.

Бұл ақпарат Telegram-дағы Kerek.pv арнасында пайда болды.

"2024 жылғы 12 қараша сағат 16:00-де бекітілген жабдықтарды айналып өтіп, тексеру барысында №1 мұржа құбырының түтікшелерінің (балкондар) маңында шаңдану анықталды. Шаңдану себептерін анықтау үшін №3 энергоблокты ішкі тексеріс жүргізу мақсатында тоқтату туралы шешім қабылданды. №3 энергоблок желіден 2024 жылғы 15 қарашада сағат 04:00-де ажыратылды", - делінген хабарда.

Баспасөз қызметінің портал тілшісіне берген мәліметінше, генерациялайтын жабдық тоқтатылғаннан кейін 8 сағаттан кем емес уақыт ішінде мұржа құбыры салқындаған соң ішкі тексеріс жүргізіледі. Тексеру жұмыстарына арнайы мамандандырылған ұйымды қоса алғанда, сарапшылар тобы тартылатыны айтылған.

"Шаңдану себептері тексеру нәтижесінде анықталады. Жүргізілген талдау негізінде қажетті іс-шаралар жоспары әзірленеді", - дейді ЖШС өкілі.