Алматыда із-түссіз жоғалып кеткен қыздың денесі табылды

Алматыда 26 қазанда жоғалып кеткен 30 жастағы Әйгерім Сыпатаева өлі күйінде табылды. Қайғылы хабарды еріктілер жеткізді, деп хабарлайды KAZ.NUR.KZ.

Еріктілердің мәлімдеуінше, Әйгерім Сыпатаева 26 қазан күні түнгі сағат 21:00 шамасында Алматының Медеу ауданындағы үйінен шығып, сол күйі хабар-ошарсыз кеткен. Қыздың денесі 10 қарашада табылды делінген.

"Марқұмның туған-туыстарына қайғырып көңіл айтамыз", - деп жазды еріктілер.

Алматы полиция департаменті NUR.KZ тілшісіне 30 қазанда Алмалы ауданындағы үйлердің бірінен жас әйелдің зорлық-зомбылық белгілері жоқ денесі табылғанын хабарлады.

"Сот-медициналық сараптамасының қорытындысына сәйкес, өлім жедел жүрек жеткіліксіздігінің салдарынан болған", - деп мәлімдеді қалалық полиция өкілдері.