Синоптиктер Қазақстанда жауын-шашын қашан тоқтайтынын айтты

Қазақстанда алдағы үш тәулікте ауа райы құбылмалы болады. Тұман, көктайғақ, жауын-шашын күтіледі, деп хабарлайды "Қазгидромет" РМК-ға сілтеме жасаған KAZ.NUR.KZ.

Синоптиктердің болжамынша, 19-21 қараша аралығында Қазақстан аумағына солтүстік-батыс циклоны әсер етеді. Жаңбыр мен қар түріндегі жауын-шашын, көктайғақ, республиканың солтүстік жартысында бұрқасын күтіледі.

"Антициклон әсерінен тек 21 қарашаға таяу республиканың батыс және солтүстік-батыс облыстары жауын-шашынсыз ауа райы болады", - деп хабарлайды "Қазгидромет" РМК баспасөз қызметі.

Синоптиктер температура фонында күрт өзгерістер болжанбайтынын мәлім етті.

Бұған дейін синоптиктер Астана, Алматы және Шымкент қалаларының тұрғындары үшін бір аптаның ауа райы болжамын жасаған болатын.

Сондай-ақ синоптиктер Қазақстанның қыс мезгіліне – 2024 жылдың желтоқсанынан 2025 жылдың ақпанына дейінгі аралықтағы маусымдық ауа райы болжамын жариялаған болатын.