Астана аспанында ұшқан әскери ұшақтар тағы да видеоға түсіп қалды

Бүгін дәл кешегідей Астананың қақ ортасынан жойғыш ұшақтар тағы да ұшып өтті. Ұшақтардың даусы мен түтіні азаматтардың назарын аударды, деп хабарлайды KAZ.NUR.KZ.

Бүгін Астана аспанында қатарынан ұшып бара жатқан әскери ұшақтар тағы да видеоға түсіп қалды. Елордадағы көпқабатты үйлердің үстінде түтіннің ізі қалды.

Еске салсақ, Қорғаныс министрлігінде 23 және 24 қарашада Әуе қорғанысы күштерінің оқу-жаттығу ұшулары шеңберінде жауынгерлік авиацияның жоспарлы ұшулары өтетіні ескертілді.

Сондай-ақ Қазақстанның Мемлекеттік күзет қызметі ҰҚШҰ Қауіпсіздік кеңесінің алдағы отырысына байланысты Астана тұрғындарына үндеу жасады.

Ведомство өкілдерінің хабарлауынша, 27-28 қарашада шет мемлекеттер басшыларының қатысуымен ҰҚШҰ Ұжымдық қауіпсіздік кеңесінің отырысына дайындық аясында Астана көшелерінің жекелеген бөлігінде көлік қозғалысына уақытша шектеулер енгізіледі.