Шымкентте бірқатар автобус маршрутына өзгеріс енгізілді

Шымкентте қала тұрғындарының ұсыныстары мен өтініштері негізінде қоғамдық көлік бағыттарын оңтайландыру жұмыстары жалғасып жатыр. Бұл туралы KAZ.NUR.KZ Шымкент қалалық жолаушылар көлігі және автомобиль жолдары басқармасының ресми сайтына сілтеме жасап хабарлайды.

Зерделеу нәтижесінде келесідей өзгерістер енгізілген:

• №92 автобус маршруты: тұрғындардың өтінішіне сәйкес, Д.Қонаев мектебіне дейін ұзартылды.
• №150 автобус маршруты: жол қозғалысының ашылуына байланысты Иманғара көшесімен ұйымдастырылды.
• №139 автобус маршруты: Жаңақұрылыс – Әбдіров көшелерінің қиылысына дейін ұзартылды
• №42 автобус маршруты: Бәйдібек би – Н.Назарбаев даңғылы қиылысында 3.19 "Кері бұрылуға тыйым салынады" және 4.1.1 "Тіке қозғалыс" жол белгілерінің орнатылуына байланысты Т.Назарбеков көшесінен Ж.Шанин көшесіне қарай сызбасы ұйымдастырылды.

Қоғамдық көлік қызметін жақсарту бағытындағы жұмыстар алдағы уақытта да жалғасады.