Шымкентте биыл 742 аялдама орнатылды

Шымкентте тұрғындарға қолайлы жағдай жасау мақсатында жаңа аялдама павильондары орнатылып жатыр. Бұл туралы KAZ.NUR.KZ қалалық жолаушылар көлігі және автомобиль жолдары басқармасының ресми сайтына сілтеме жасап хабарлайды.

Басқарма мәліметіне сүйенсек, қазіргі таңда қала аумағында жалпы саны 2335 аялдама орны бар.

Биыл қажетті аймақтарға 742 жаңа павильон орнатылған, ал жыл соңына дейін бұл көрсеткіш 877-ге дейін артады.

Аялдамалар екі үлгіде қойылып жатыр:

• Тип 20 – берік, темірден жасалған құрылымдар;
• Тип 22 – заманауи, шыны павильондар.

Одан бөлек Шымкентте бірқатар автобус маршрутына өзгеріс енгізілді. Ал жыл соңына дейін 22,8 шақырым автомобиль жолы қолданысқа беріледі.