Qazaq Air Ресейге қатынайтын кей рейстерді уақытша тоқтатқанын хабарлады

Qazaq Air әуекомпаниясы Ресей Федерациясына бір бағыт бойынша рейс тоқтатылғанын мәлімдеді. Бұл туралы KAZ.NUR.KZ әуекомпаниясына сілтеме жасап хабарлайды.

Qazaq Air әуекомпаниясының Instagram-дағы парақшасындағы мәлімет бойынша, осы жылы 28 желтоқсан мен 2025 жылғы 27 қаңтар аралығында Астана - Екатеринбург бағыты бойынша әуе рейстерін орындауды уақытша тоқтатуға мәжбүр.

"Ресейге ұшу тәуекелдерін үнемі бағалау нәтижелерінің негізінде жолаушылар мен экипаж мүшелерінің қауіпсіздігін қамтамасыз ету мақсатында рейстер тоқтатылды.

Әуекомпания қазіргі уақытта Qazaq Air тәуекелдерін бағалау шарттарына сәйкес келетін Омбы мен Новосібірге рейстерді орындауды жалғастырады. Екатеринбургке әуе рейстерін қайта ашу – тәуекелдерді қайта бағалау қорытындылары бойынша жүзеге асырылады",- делінген хабарламада.

Әуекомпаниясы тоқтатылған рейстердің жолаушыларына әуебилеттерінің толық құнын қайтару қамтамасыз етілетінін, әуекомпанияның баламалы рейстеріне тегін қайта брондау ұсынылатынын хабарлады.