Аға журналист

Қазақстанда қыз алып қашқандарды бас бостандығынан айыру ұсынылды

Опубликовано:5 ақпан 2025, 12:47

Қылмыстық іс құжаттары. Көрнекі фото: NUR.KZ/Владимир Третьяков

Мәжіліс кулуарында депутат Мұрат Әбенов заңнамаға енгізілуі мүмкін өзгертулер туралы айтты. Оған сәйкес қыз алып қашуға қылмыстық жаза қарастырылады, деп хабарлайды KAZ.NUR.KZ.

"Мен түзету енгізуге ұсыныс жасадым, ол қазір Қылмыстық, Қылмыстық-атқару және Қылмыстық іс жүргізу кодекстерін оңтайландыру жөніндегі жұмыс тобының қарауында.

Жауапкершіліктің бірнеше түрі қарастырылған, оның ішінде қылмыстық жауапкершілік – бас бостандығынан айыру, айыппұл, қоғамдық жұмыстар. Мұның бәрі жағдайға байланысты. Бір топ адам жасаса, кәмелетке толмаған адамға қарсы жасалса, қандай да бір зиян келтірілсе, т.б. заң жәбірленуші жағында болуы керек", - деді депутат.

Депутаттың айтуынша, қыз алып қашуға ұсынылып отырған жаза – қызды еркінен тыс ұстаған, сондай-ақ психологиялық және физикалық қысым көрсеткен жағдайда 3 жылдан 5 жылға дейін бас бостандығынан айыру.

Еске сала кетейік, былтыр мәжіліс отырысында депутаттар "Мәдениет туралы" заңды қарастыру аясында қыз алып қашу мәселесін көтерген болатын. Депутат Мұрат Әбенов қазір қыз алып қашу теледидарда, әлеуметтік желілерде, тіпті, ән мәтіндерінде барынша насихатталып жүргенін, бірақ оған мәдениет саласы көз жұмып отырғанын айтты.

Мәтіннен қате тапсаңыз, бізге жазыңыз