Павлодарда колония бастығының орынбасары ұсталғаны рас па: ҚАЖД өкілдері пікір білдірді

Желіде Павлодар облысында колония бастығының орынбасары ұсталды деген ақпарат тарады. Бұған қатысты облыстық ҚАЖД өкілдері түсінік берді, деп хабарлайды KAZ.NUR.KZ.

Telegram желісіндегі ZTB NEWS арнасының хабарлауынша, Павлодар облысында прокуратура қызметтік өкілеттігін асыра пайдаланды деген күдікпен колония бастығының орынбасарын ұстады. Ол уақытша ұстау абақтысына қамалды.

Сондай-ақ хабарламада Ішкі қауіпсіздік басқармасы қызметкерлері тәртіп басқармасының бастығын ұстағаны айтылады.

Павлодар облысы бойынша Қылмыстық атқару жүйесі департаменті NUR.KZ тілшісіне осы ақпаратқа қатысты пікір білдірді.

"Істің мән-жайы анықталып жатыр, Қылмыстық-процестік кодексінің 201-бабына сәйкес, басқа ақпарат жарияланбайды", - деп жауап берді департамент өкілі.

Мәтіннен қате тапсаңыз, бізге жазыңыз