RU
Сақтаулылар
Мұнда әзірше бос
Жарияланым парақшасында «
» батырмасын қолданып, оны сақтаулылар тізіміне қосыңыз.

Зектілері

"Германиядан табылған": ХІХ ғасырдағы қазақ әйелдерінің еш жерде жарияланбаған фотосуреттері көрмеге қойылды (видео)

Жарияланған күні:

Көрмеге қойылған фотосуретте
Көрмеге қойылған фотосуреттер. Видеодан кадр: 24.kz

Алматыда ХІХ ғасырдың соңы мен ХХ ғасырдың басында өмір сүрген қазақ әйелдерінің бейнесі сақталған бірегей фотосуреттер көпшілік назарына ұсынылды, деп хабарлайды 24KZ телеарнасы.

Сирек кездесетін тарихи суреттер Германияның Гамбург этнографиялық музейінен табылып, "Архив-2025" мемлекеттік бағдарламасы аясында Қазақстанға жеткізілген.

Бұған дейін еш жерде жарияланбаған фотошежірелер Орталық мемлекеттік кино-фотоқұжаттар мен дыбыс жазбалары архивінің 5 жылдық ізденісінің нәтижесінде жинақталған.

Фотосуреттердегі қыз-келіншектер мен әйелдердің есімдері беймәлім. Фотосуреттердің көпшілігі Семей өңірінде түсірілген.

Олардың авторы – орыс этнографы, саяхатшы, фотосуретші Самуил Дудин. Ол – Санкт-Петербургтегі этнографиялық музейдің негізін қалаушылардың бірі.

"Біз анықтай келе Дудиннің суреттерінің түпнұсқасы Германияның Гамбург қаласында екенін білдік. Былтыр олармен жарты жылдай хабарласып, хат жазысып, ол жерден 96 фотоқұжатты алып келдік", - дейді "Орталық мемлекеттік кино-фотоқұжаттар мен дыбыс жазбалары архиві" РММ директоры Ілияс Ысқақов.

Көрмеде екі сурет көпшіліктің назарын ерекше аударған. Бірінде кимешек киген апалар, жас келіншектер мен балалардың жымиған сәті бейнеленген. Ал екіншісі күлімдеген келіншектің фотопортреті. Қазақ тарихын зерттеп жүрген ғалымдардың айтуынша, мұндай суреттер сирек кездеседі.

Жалпы, Орталық мемлекеттік кино-фотоқұжаттар мен дыбыс жазбалары архиві кейінгі бес жыл ішінде мыңға жуық фотосуретпен толыққан. Бұл материалдар Ресей, Армения, Беларусь, Моңғолия, Германия, Польша мен Швейцария елдерінің мұрағаттарынан алынған.

Мақаланың түпнұсқасы: https://kaz.nur.kz/society/2225955-germaniiadan-tabylgan-hih-gasyrdagy-qazaq-aielderining-fotosuretteri-kormege-qoiyldy-video/

Жарияланымға реакцияңыз?

Мұнда әзірге ешкім пікір қалдырмады Тағы да оқыңыздар

Талқылауға қатысу немесе пікірлерге реакция қалдыру үшін профиліңізге кіріңіз.

jitsu gif