БҚО-да 700-ден астам адам өзіне тиесілі тегін дәрі-дәрмекті ала алмай келген
Жарияланған күні:
Батыс Қазақстан облысының прокуратурасы тегін дәрі-дәрмекпен қамтылуға тиіс 700-ден астам адамның құқығын қалпына келтірді, деп хабарлайды KAZ.NUR.KZ Бас прокуратураның Telegram-дағы арнасына сілтеме жасап.
Ведомство өкілдерінің хабарлауынша, Батыс Қазақстан облысы прокуратурасы Ақжайық аудандық ауруханасының қызметінде тегін медициналық көмектің берілген кепілдік көлемі аясында дәрі-дәрмекпен қамту мәселелеріне талдау жүргізген.
Талдау барысында мұқтаж адамдарды дәрілік препараттармен қамтамасыз етпеу фактілері анықталған.
"Атап айтқанда түрлі диагнозбен диспансерлік есепте тұрған 700-ден астам пациент өздеріне тиесілі тегін дәрі-дәрмекке қол жеткізе алмай келген", - делінген хабарламада.
Прокуратураның қадағалау шаралары негізінде дәрі-дәрмекпен үздіксіз қамтамасыз ету ұйымдастырылып, оларды алуға алдын ала тапсырыс берілді.
Мақаланың түпнұсқасы: https://kaz.nur.kz/society/2231736-bqo-da-700-den-astam-adam-ozine-tiesili-tegin-dari-darmekti-ala-almai-kelgen/
Жарияланымға реакцияңыз?
Мұнда әзірге ешкім пікір қалдырмады Тағы да оқыңыздар
Талқылауға қатысу немесе пікірлерге реакция қалдыру үшін профиліңізге кіріңіз.