"Көлсай көлдері" аумағында қонжықтарымен "серуендеп" жүрген қоңыр аю видеоға түсіп қалды
Опубликовано:
"Көлсай көлдері" мемлекеттік ұлттық табиғи паркінің аумағында Тянь-Шань қоңыр аюлары видеоға түсіп қалды. Бұл туралы Орман шаруашылығы және жануарлар дүниесі комитетіне сілтеме жасаған KAZ.NUR.KZ хабарлайды.
Комитеттің мәліметінше, жабайы жануарлар санын есепке алу барысында "Көлсай көлдері" паркінің инспекторлары екі қонжығымен жүрген Тянь-Шань қоңыр аюын видеоға түсіріп алған.
Тянь-Шань қоңыр аюлары парктің орманды тау баурайларын мекендейді.
Осы орайда парк әкімшілігі келушілерге, егер қоңыр аюды байқап қалсаңыз, қауіпсіз қашықтықты сақтап, жануарларды мазаламау маңызды екенін ескертеді.
"Еске саламыз, Қазақстан Республикасының "Қызыл кітабына" енген барлық жануар түрі мемлекет тарапынан қорғалады", - делінген хабарламада.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2240319-kolsai-kolderi-aumagynda-qonzhyqtarymen-seruendep-zhurgen-qongyr-aiu-videoga-tusip-qaldy/