Air Astana Дубай мен Дохаға рейстерді тоқтатты

Таяу Шығыстағы қақтығыстың ушығуына байланысты Air Astana 24 маусымда Алматы мен Астанадан Дубайға, ал Шымкенттен Дохаға ұшатын рейсті тоқтататпақ, деп хабарлайды әуе компаниясына сілтеме жасаған KAZ.NUR.KZ.

Әуе компаниясының Telegram-каналында хабарланғандай, Таяу Шығыстағы қақтығыстың шиеленісуіне байланысты Air Astana компаниялар тобы 24 маусымда мына рейстерді тоқтатады:

• КС205/206/Астана-Дубай-Астана
• КС897/898/Алматы-Дубай-Алматы
• KC551/552/Шымкент-Доха-Шымкент (чартер)

Орындалмаған рейстердің жолаушыларына ақысыз қайта броньдау немесе билетінің құнын толық қайтару ұсынылады.

"Air Astana әуе компаниясы жағдайды мұқият қадағалауда және жағдай жақсарған сайын рейстердің 25 маусымнан жаңғыртуын қарастырады", - делінген компания хабарламасында.

Сондай-ақ компанияның бапсасөз қызметі туындауы мүмкін кез келген сұрақтар бойынша хабарласуға болатын контактілерді ұсынды:

• +7 727 244 4477 (24/7)
• +7 7172 584477 (24/7)
• +7 702 702 4477 (24/7)
• Рейстің кешігуі мәселесі бойынша: +7 7272 44 44 78 (24/7)
• WhatsApp: +7 702 702 00 74 (24/7)
• Online chat: airastana.com (24/7)

Еске салайық, бұған дейін Таяу Шығыстағы жағдайдың шиеленісуіне байланысты Қазақстанның авиациялық әкімшілігі әуе компанияларына алты ел – Иран, Израиль, Сирия, Ирак, Иордания және Ливанның әуе кеңістігінің үстінен, әуе кеңістігі ішінде және оған жақын жерде арнайы бұйрық берілмеген жағдайда ұшуға тыйым салған болатын.

Мәтіннен қате тапсаңыз, бізге жазыңыз