Қазақстанда қала жолдарындағы жылдамдық төмендетілуі мүмкін

Опубликовано:27 тамыз 2025, 14:31

Көшедегі көліктер — Көше. Көрнекі фото: NUR.KZ/Владимир Третьяков

Ішкі істер министрлігі Әкімшілік полиция комитетінің басшысы Қайсар Сұлтанбаев Орталық коммуникациялар қызметінде өткен брифингте қала жолдарындағы жылдамдық төмендеуі мүмкін екенін айтты, деп хабарлайды KAZ.NUR.KZ тілшісі.

Қайсар Сұлтанбаевтың айтуынша, Комитет ұжымы жол қозғалысы қауіпсіздігі саласындағы қатынастарды реттейтін нормативтік құқықтық актілерді қайта қарап жатыр.

"Қазір біз бұл мәселені жұмыс барысында назарға алып, қарастырып жатырмыз. Ал депутаттар каникулдан оралған соң оны бірге талқылаймыз. Мәселе қарастырылып жатыр. Қабылданған шешім туралы қосымша хабарлаймыз", - деді ол.

Айта кетейік, Орталық коммуникациялар қызметінде өткен брифингте Әкімшілік полиция комитетінің басшысы Қайсар Сұлтанбаев мектеп бағдарламасына оқушыларға жол қозғалысы ережелерін үйрететін міндетті пән енгізуді ұсынды.

Сонымен қатар бұған дейін Астана-Қарағанды тас жолының бір бөлігінде жылдамдықты шектеу енгізілгені хабарланды – жылдамдық арнайы техникалық құралдардың көмегімен әдеттегі 140 шақырымнан 20 шақырымға дейін төмендетілген.

Мәтіннен қате тапсаңыз, бізге жазыңыз