Ішкі істер вице-министрі "Қайрат" – "Реал" ойынына билет алып-сатуға қатысты шағымдарға түсінік берді

Мәжіліс кулуарында Ішкі істер вице-министрі Санжар Әділов "Қайрат" – "Реал" матчының билеттерін алып-сатуға қатысты шағымдарға жауап берді, деп хабарлайды KAZ.NUR.KZ.

Журналистер белгілі әншілер Сәкен Майғазиев пен Нұрлан Еспановтың ұлдары матчтың (жеке сәйкестендіру нөмірлері (ЖСН) арқылы сатылуы керек) 50 билетін қымбат бағаға сатқанын мәлімдеді.

"Сіздер бұл фактілерді тексересіздер ме және бұл қалай мүмкін болды", - деп сұрады БАҚ өкілдері.

Санжар Әділов мұндай фактілерді бірінші рет естіп тұрғанын айтты.

"Мен бұл ақпаратты сізден жаңа ғана біліп тұрмын. Түссе (шағым – автордың ескертпесі) біз тексеру жүргізуге дайынбыз, бірақ ол үшін шағым түсуі керек, біз міндетті түрде тексеру жүргізіп, процессуалдық шешім қабылдаймыз", - деді ол.

Мәтіннен қате тапсаңыз, бізге жазыңыз