Алматыдағы әл-Фараби даңғылында жаңа жолайрық салынады

Алматыда әл-Фараби даңғылы және Үшкемпіров пен Қаппаров көшелерінің қиылысында жолайрық пайда болады, деп хабарлайды KAZ.NUR.KZ қала әкімдігіне сілтеме жасап.

Әкімдік өкілдерінің хабарлауынша, Алматы Жол-көлік инфрақұрылымын дамыту басқармасы оңтайлы жобалық шешімді таңдау үшін Әл-Фараби – Ремизовка жолайрығының түрлі нұсқасын қарастырды.

Жолайрық жол қауіпсіздігі мен өткізу қабілетін арттырады деп күтілуде.

"Жолдың тар екені ескеріле отырып, Үшкемпіров пен Қаппаров көшелерінің қиылысында бір деңгейлі айналма жолайрығын салу туралы шешім қабылданды.

Бұл нұсқа инженерлік желілердің қайта жөндеуді көп талап етпейді және жер телімдерін сатып алуды көздемейді, сондай-ақ құрылыс кезінде әл-Фараби даңғылындағы көлік қозғалысын жабуды талап етпейді", - деп хабарлады қала әкімдігі.

Бұдан өзге нақты техникалық-экономикалық көрсеткіштер, соның ішінде құрылыс-монтаждау жұмыстарының құны мен мерзімі жобалық шешімдерді әзірлеп, бекіткеннен кейін анықталады.

Жобалау жұмыстарын аяқтау және мемлекеттік сараптама қорытындысын алу 2026 жылдың қаңтарына жоспарланған.

Мәтіннен қате тапсаңыз, бізге жазыңыз