"Қуатты циклон жылжып келеді": синоптиктер демалыс күндері ел аумағында қатты жел тұратынын ескертті

Синоптиктер 13-15 желтоқсанға арналған күн райы болжамын жариялады, деп хабарлайды "Қазгидромет" РМК-ға сілтеме жасаған KAZ.NUR.KZ.

Метеорологтардың мәліметінше, Қазақстанға аязды, жауын-шашынсыз ауа райын әкелген антициклон орнына қуатты циклон жылжып келеді.

Ылғалды ауа массаларымен толығатын бұл циклонның әсерінен алдағы демалыс күндері республиканың басым бөлігінде жауын-шашын (жаңбыр, қар), көктайғақ, бұрқасын күтіледі.

Жауын-шашынмен бірге жел күшеюі де ықтимал. Батыс, солтүстік және орталық өңірлерде желдің екпіні секундына 30 метрге дейін жетіп, сондай-ақ одан да күштірек болуы мүмкін.

Мәтіннен қате тапсаңыз, бізге жазыңыз