Ауа райының қолайсыздығына байланысты Астанаға қосымша пойыздар қатынайтын болды

"Жолаушылар тасымалы" АҚ қолайсыз ауа райы мен жол қозғалысына қойылған шектеулерге байланысты Астанаға қосымша электр пойыздары қатынайтынын мәлімдеді, деп хабарлайды ҚТЖ-ға сілтеме жасаған KAZ.NUR.KZ.

"Қолайсыз ауа райы салдарынан тас жолдарда уақытша қозғалыс шектеулері енгізілуіне байланысты ҚТЖ өңірлер арасындағы көлік қатынасының қолжетімділігін қамтамасыз ету және жолаушыларды тасымалдауды ұйымдастыру мақсатында қала маңындағы пойыздарды іске қосты.

Көкшетау, Бурабай курорты, Макинка және Ақкөл станцияларынан Астана станциясына дейін жолаушыларды отырғызу үшін мына пойыздар қатынайды:

• № 6830 "Көкшетау – Астана";
• № 7508 "Көкшетау – Астана".

Қолайсыз ауа райы жағдайында теміржол көлігі ең сенімді әрі қауіпсіз қатынас түрлерінің бірі болып қала береді. Ұлттық тасымалдаушы жолаушылардың қауіпсіздігі мен жайлылығын қамтамасыз етуге бағытталған барлық қажетті шараны қабылдап, азаматтарды сапарларын жоспарлау кезінде ауа райы жағдайларын ескеруге шақырады", - делінген "Жолаушылар тасымалы" АҚ баспасөз қызметінің хабарламасында.

Мәтіннен қате тапсаңыз, бізге жазыңыз