М. Әуезов атындағы театрды қайта жаңғырту жұмысы тоқтап тұрғаны рас па: министрлік мәлімдеме жасады

Мәдениет және ақпарат министрлігі Алматыдағы М. Әуезов атындағы театрды қайта жаңғырту жұмысы тоқтап тұрғаны туралы сыбыстарға қатысты мәлімдеме жасады. Бұл туралы ведомствоның баспасөз қызметіне сілтеме жасаған KAZ.NUR.KZ хабарлайды.

"Бірқатар бұқаралық ақпарат құралдарында М. Әуезов атындағы театрды қайта жаңғырту жұмыстарының баяу жүріп жатқаны немесе тоқтатылып тұрғаны туралы жарияланған ақпараттарға байланысты төмендегіні хабарлаймыз.

Нысанды қайта жаңғырту жұмыстары тоқтатылған жоқ. Қазіргі уақытта жоба жаңа қаржы жылының басталуын күтуде, содан кейін белгіленген тәртіпке сәйкес жұмыстарды жалғастыру үшін қажетті қаражат бөлінеді.

Нысандағы жөндеу жұмыстары уәкілетті мемлекеттік органдардың тұрақты бақылауында.

М. Әуезов атындағы театрды қайта жаңғырту оның тарихи және мәдени құндылығын сақтауға қойылатын барлық талапты сақтай отырып, толық аяқталатын болады", - делінген министрлік мәлімдемесінде.

Мәтіннен қате тапсаңыз, бізге жазыңыз