Астана әуежайы жолаушыларға ұшу кестесіндегі өзгерістер туралы ескертті

Астана әуежайы өкілдері дауылды ескертуге байланысты жолаушыларға ұшу кестесінде өзгерістер болатынын ескертті, деп хабарлайды KAZ.NUR.KZ тілшісі.

Астана әуежайының Telegram желісіндегі арнасының хабарлауынша, алты рейстің ұшып келу уақыты кейінге шегерілген:

Олар:

• KC 584 Sanya – Астана,
• DV 784 Өскемен – Астана,
• IQ 400 Ақтөбе – Астана,
• FS 7316 Қызылорда – Астана,
• IQ 438 Петропавл – Астана,
• KC 656 Доха – Астана.

"12 қаңтарда барлық облыс және республикалық маңызы бар қалаларда дауылды ескерту жарияланды. Сондықтан жолаушылардан ауа райы жағдайлары мен кестедегі өзгерістерді ескере отырып, әуежайға сапарын алдын ала жоспарлауды сұраймыз.

Рейстің нақты уақытын білу үшін әуе компаниясының байланыс орталықтарына хабарласыңыздар және www.nn-airport.kz сайтындағы әуежайдың онлайн рейстер туралы ақпарат таблосын тексеріңіздер. Әуежайдың перронында және терминал аймағында қар тазалау жұмыстары жүргізілуде, барлық қызмет күшейтілген режимде жұмыс істеп жатыр", - делінген хабарламада.

Әуежай өкілдері қолайсыз ауа райында әуежай қызметі күшейтілген режимде жұмыс істеп жатқанын хабарлады.

"Ұшу қауіпсіздігін және әуежайдың тұрақты жұмысын қамтамасыз ету үшін барлық қажетті жабдық бар", - деп хабарлады әуежайдың баспасөз қызметі.

Естеріңізге сала кетейік, 12 қаңтарда Астанада қар жауады деп болжанған. Орташа температура -8°C болады. Күндізгі температура 0°C жетуі мүмкін, бірақ түнде температура -12°C дейін төмендейді. Желдің жылдамдығы 8,0 м/с болады.

Мәтіннен қате тапсаңыз, бізге жазыңыз