"Әскери іс-қимылдарға байланысты Алматы әуе кеңістігінің жабылуы": Қорғаныс министрлігі түсінік берді

Қорғаныс министрлігі желідегі "Алматы әуе кеңістігінің әскери іс-қимылдарға байланысты жабылуы" туралы ақпаратқа қатысты жауап берді, деп хабарлайды KAZ.NUR.KZ.

Қорғаныс министрлігінің баспасөз қызметі Алматы әуежайының бұл мәселеге қатысты берген жауабын растап, әскери жағдайдың енгізілуі туралы ақпарат шындыққа жанаспайтынын мәлімдеді.

"Қорғаныс министрлігі әуе кеңістігіне ешқандай шектеу қойған жоқ. Әуе кеңістігін пайдалануды уәкілетті органдар Қазақстан Республикасының заңнамасына қатаң сәйкестікте жүзеге асырады", - деп түсіндірді министрлік өкілі.

Қорғаныс министрлігіндегілер желіде таратылып жатқан ақпаратқа ешқандай нақты негіз жоқ екенін атап өтті.

Естеріңізге сала кетейік, бұған дейін Алматы әуежайының өкілдері рейстердің кешігуі мен "әуе кеңістігінің жабылғаны" туралы желідегі жазбаға қатысты пікір білдіргенін жазғанбыз.

Мәтіннен қате тапсаңыз, бізге жазыңыз