ТШО Теңіз және Королев кен орындарындағы өндірісті уақытша тоқтатты

"Теңізшевройл" компаниясы сақтық шарасы ретінде Теңіз және Королев кен орындарындағы өндірісті уақытша тоқтатты, деп хабарлайды Kazinform агенттігіне сілтеме жасаған KAZ.NUR.KZ.

Компанияның баспасөз қызметіне сілтеме жасаған агенттіктің жазуынша, бұл шешім өндірістік нысандардағы электр энергиясын тарату жүйелерінің кейбір бөліктерінде туындаған мәселелерге байланысты қабылданған.

"ТШО-ның техникалық қызметтері оқиғаның бастапқы себебін анықтау бойынша белсенді жұмыс жүргізіп жатыр. Ал негізгі мақсат – қалыптасқан жағдайды қауіпсіз түрде жою", - деп мәлімдеген "Теңізшевройл" ЖШС-ның баспасөз қызметі.

Естеріңізге сала кетейік, 18 қаңтарда Теңіз кен орнында өрт болып, 450-ден аса жұмысшы эвакуацияланған еді.

Kazinform-ның мәліметінше, Теңіз кен орнындағы электр генераторларында екі өрт болған.

Нақтырақ айтқанда, төтенше жағдай Теңіз кен орнындағы Үшінші буын зауытының аумағында тіркелген.

Мәтіннен қате тапсаңыз, бізге жазыңыз